Vrienden van de Streektaal Lochem

Activiteiten

Beste Book Achterhook en Liemers 2018.


Op zundagmorgen 3 meert kwamen zon 150 dialectleefhebbers en andere leu naor Erve Kots in Lievelde.

Diana Abbink van Dialectkring Achterhook en Liemers en Joop Hekkelman van Vrienden van de Streektaal veur Lochem e.u. presenteerden ’t programma, dat samen met ’t ECAL was e organiseerd.


’t Eerste exemplaar van Flonkergood, ’t bokenwaekgeschenk, wed uutereikt an Wim van Keulen, den al jaorenlang de vormgever is van Flonkergood en een drietal auteurs mochten eure biedrage an ’t beukske veurlaezen n.l. Annette Akkerman uut Maarssen, Annemarie Damveld uut Grolle en Jan Saalmink uut Zelhem.

Weerman Gerrit Vossers uut Silvolde kreeg ’t beeldje de “Opstaeker” as waardering veur ziene weerpräötjes, dee hee meestens in ’t Nedersaksisch” hölt en daormee een biedrage levert an ’t onder de andach brengen van onze mooie taal.

Bert Scheuter, columnist van de Gelderlander, heel een inleiding aover streektaal deur wat van ziene stukskes veur te laezen.


De “weerld C”, woordenboek van de Achterhoekse en Liemerse Dialecten was deur de zes-koppige jury verkaozen töt Beste Achterhooks en Liemerse Book 2018.


De samenstellers van dit 11e woordenbook van het WALD bunt Dr. A.H.G. Schaars en Drs. H.J. Lieftink en is uutegeven deur Erfgoed Centrum Achterhoek en Liemers/Mr. H.J. Steenbergenstichting.


Klik hier veur ‘t  juryrapport.

Klik hier veur de foto’s, die emaakt bunt deur Ruud Hamburger van Dialectkring Achterhook en Liemers.


Terug