Diana is ‘n geboren (1957) en getogen Winterswiekse. Zee schrif (kotte) verhalen en columns, ‘t leefste in ‘t Wenterse dialect, maor ok in ‘t Nederlands. Verzörgt desgewenst middag-/aovendprogramma met veurlaezen uut eigen wark, presentatie aover de Nedersaksische taal en/of een dialectquiz.

Gepensioneerd bakker en dichter, den völle van zien gedichten zag publiceerd in diverse bundels. Laest geerne veur uut eigen wark in ‘t Achterhooks.

Ok bie RTV Slingeland waren zien gedichten te heuren.

Ferry Broshuis (1941) is ‘n Grollenaar in hart en nieren. Met völle geveul veur humor schrif e vrolijke en geveulige kotte verhalen in de streektaal, maor daornaost hef e ok ‘n antal boken in ‘t Nederlands op zien name staon.

Johan, geboren in Bredevoort op 15-12-1947, sinds 1985 woont e in Steenderen. Laest verhalen veur van verschillende schrievers. Dit bunt vrolijke, komische en serieuze verhalen af ewisseld met gedichten. Disse verhalen vertelt e in ‘t  Achterhookse dialect.

Frans is geboren in Zaevenaar op 5 september 1953, zingt en vertelt in de taal dee wordt espraoken in de Liemers. Hee publiceren diverse boken, zong Lp’s en Cd’s vol met streektaalleedjes. Hee is lid van ‘t comité Oost Gelders Streektaaldictee. Bedenker en organisator van ‘t streektaalfestival Plat Gespöld.

Hans de Graaf, geboren in Bredevoort en wont in Aalten. Hee vertelt kotte en lange verhalen in 't Aaltens, met ‘n depere achtergrond of olde verhalen uut de verteltraditie van de Achterhook. Hee kan ok vertellen aover 't olde klooster bie Bredevoort, maor dat is in ‘t Nederlands met plaatjes derbie. Anvraogen in aoverleg.

Gery Groot Zwaaftink (1955). Sinds 1994 Troubadour/ verhalenverteller (beroeps) en woont in Vorden. Hee zingt zelf eschreven leedjes en vertelt kotte verhalen. Dit bunt sagen, legendes en streekverhalen. Hee spölt veur elke groep wee maor luusteren wil. Dus voor jong en old. Wil iej meer aover zien wark weten, gao dan naor www.gerygrootzwaaftink.nl.

Geboren as Anny Westerveld ( van d'n Heisterkamp uut Lintel) kent de lu eur inmiddels grotendeels as Ankh Gussinklo uut IJzerlo (onder Aalten). Inmiddels hef zee de 'jaoren des onderscheids' lánge ehaald, maor nog altied schrif zee geerne verhalen, columns en gedichten aover van alles en nog wat. En van tied töt tied laest zee ze ok geerne veur. Dit zowel in ‘t Achterhooks dialect as in 't ABN.

B.A.H. (Benny) Haggeman. Schriever en dichter in ‘t Nederlands en Streektaal. ’t Kan aover van alles en niks gaon. Ok is e al jaoren bezig laegere scholen te bezeuken, um ze te interesseren veur streektaal. In De Moespot, ‘t ledenblad van ‘t Verbond van Nedersaksische Dialectkringen, is meer van zien wark te vinden.

Geboortejaor 1952.

(Streektaal)schriever/columnist/presentator en mede-organisator van de Achterhookse boekenwaeke. Hee woont in Gorssel en verzörgt kotte en middag-/aovendvullende programma’s met eigen verhalen. Dee verhalen gaot veural aover ‘t laeven van mensen, maor ok historische onderwerpen mbt landbouw komt an de orde. Hee schrif en vertelt laevensverhalen, op anvraoge ok van aoverleden personen tbv de uutvaart. Les veur op basisscholen en prissenteert ‘n dialectquiz veur groepen. Waekelijks verschient twee columns van zien hand: dialect in De Gids en Nederlandstalig op de website van LokaalGelderland.

Ex-melkveeholder (1941), den deur persoonlijke umstandigheden töt schrieven kwam. Gedichten en (kotte) verhalen in zowel dialect als ABN bunt in vier bundeltjes uut egeven, dee-t enkele priezen hebt op eleverd. Veurkeur veur middagoptreden.

Johan (08-02-1933) laest veur uut eigen - en andermans wark. Olderenmiddagen, wiekaovenden, buurtverenigingen, scholen, enz. Geet met groep 7 en 8 naor de boerderieje, waor hee geboren is en vertelt dan o.a. aover de oorlog.

Minus schrif gedichten en anekdotische kotte verhalen in ‘t dialect van de Oost-Achterhook en in ‘t ABN. Thema’s , tiedsduur, enz. in aoverleg.

Gerard (Gerhard, 31-05-1952) laest kotte moderne verhalen veur uut eigen wark. De verhalen bunt heel herkenbaor, humoristisch en in ‘t dialect van Winterswiek. Zee wodden publiceerd in de Nieuwe Winterswijkse Courant, in 5 beukskes en verschenen op cd en dvd. Ok is e met zien verhalen regelmaotig te heuren en te zeen bij RTV Slingeland.

Louis, geboren en getogen in Aalten laest veur uut eigen wark. Umdat e in ’t Onderduukmuseum in Aalten völle onderzeukswark dut, gif e ok laezingen in ’t dialect aover gebeurtenissen uut de 2e Wereldoorlog, waorbie de verhalen van de gewone mensen centraal staot.

Herman is geboren in de gem. Hardenberg (Aoveriessel). Hee hef veude klasse staon op de laegere scholen in Zeyen (Dr.) en Neede in de Achterhook. Wieter ewarkt in ‘t voortgezet onderwies in Zutphen. Hee schrif verhalen veur “De Moespot” onder het ps. Mans oet Warnsveld.

Hendrik is groot ewodden op ’n boerderie-je in Geesteren Gld. Het langste hef hee ewarkt bie van Nelle as vertegenwoordiger. Hee schrif verhalen en kump hiermet op regionale radiozenders en in het blad “De Moespot”. Hee woont al jaoren in Barchem. Met zien dia-programma: “Van Vrogger naor Now”, met muziek, verhalen en gezegdes geet hee langs alle soorten groeperingen.