Beste leu,
Alweer ’n joor veurbie, veur den enen zal alles naor wens verlopen waen, maor veur andern neet. Den enen hef afscheid motten nemmen van dierboren en andern hebt niej geborenen möggen verwelkommen; verdreet en vreugde ligt soms dichte bie mekare. In oew näöste umgeving mo’j d’r wat van maken en mekare steunen en leefhebben.
Iederene hef wal van naoberschap eheurd, maor hoo belangriek dat is in dizze tied snapt neet iederene. De umgang met mekare löt völle te wensen aover. Unze regering mag endelek wal ‘s ’n veurbeeld gevven; zoas ’t noo geet, lik ‘t nargens op! Laot wie in unze directe umgeving uns better gedraegen.
De laezing van de heer Brugman gaf helaas wat technische problemen, maor desondanks was ‘t ’n gezelleg gebeuren. Wie wet noo völle meer van orchideeën.
Uns ledental löp stäöreg terugge woordeur de bezeukers op unze aovenden afnemt. Da’s jammer, want hierdeur könt wie moeilek iemand oetneudegen um veur nog gin twinteg leu, iets te doon.
Maor de niejjoorsvisite met moosmaoltied, zoas al ezegd, geet deur op zaoterdag 11 jan. 2025 bie ’t Kulturhus in Loorne. Anvang 15.00 uur. De kosten bunt €28.= p/p (incl. 2 consumpties en ’n niejjoorsrulleken). Vanaf 14.30 uur bu’j welkom.
Anmelden via mail j.toebes@kpnplanet.nl of bellen: 6 tut 9 jan. 0573 257046.
De moosmaoltied is weer as van olds; ’t mot dus ’n gezellegen en smakeleken meddag worden.
De Bokenwaeke is op 2 meert bie restaurant Van Hal grensweg 13, 7083 AM Voorst anvang 11.00uur. Iederene is welkom.
As bestuur wense wie oeleu prettege karsdagen en een gezond niejjoor too!!!
Namens ’t bestuur, Ton Toebes.
