Beste Leu,
Hier is de niejsbreef van juni 2025. Wie hebt de joorvergadering d’r weer op zitten. De oetkomst is zoas verwacht: dat alles bie ’t olde blif.
’t Bestuur geet deur met wat möggelek is, want d’r is gin verstarking bie-ekommen.
Nao de vergadering hebt Joop Hekkelman, Herman Veldsink, Wim Regelink en ik eigen verhalen veur-edraegen. Dee waarn soms oet ’t laeven egreppen of oet den doem ekommen. Vake zat d’r ok echten Achterhooksen humor in woor ’n ieder umme mos gräölen. Ik bun d’r greuts op dat wie zo völle talent in unze vereneging hebt (en dan waarn ze d’r nog neet ens allemaole!)
Nog effen mot ik vermelden dat ’t optraeden van Anne Marie Onstenk ’n groot succes was, wieleu hebt d’r van genoten! De verhalen van Herman van Velzen kon ze met völle passie veurdraegen en afwisselen met wat muziek. ’t Was hartstikke gezelleg!
Wat kump:
Zundag 10 augustus kump Gery Groot Zwaaftink, unzen troubadour, met ’n mooi programma uns vermaken. Dat wordt weer merakels mooi!
Plaatse: Haarbroekse Vijvertuin.
Adres: Harfsensesteeg 40, 7217 MH Harfsen.
Anvang: 11.00 uur; zale los umme 10.30 uur.
Kosten; €10,== p/p incl. koffie bie binnenkommen en een consumptie in de pauze.
Introducés bunt welkom!
Wie kiekt veur ’t naojoor of d’r nog wat is te vinden. Maor dat heur ie volgende kere wal.
Namens ’t bestuur, Ton Toebes.
Belangriek: in de joorverg. is af epraot dat de Moespot pries wordt verhoogd naor; €20.= per 2026. Dit i.v.m. gestegen kosten.
